Сёння – Дзень Волі. Беларусаў павіншавала Святлана Ціханоўская
107 год таму 25 сакавіка ў 1918 годзе ва ўмовах нямецкай акупацыі ў Менску была сімвалічна абвешчана незалежнасць Беларускай Народнай Рэспублікі.
Калі б не было БНР, не было б і БССР. І магло не быць незалежнай Беларусі.
У Беларусі на афіцыйным узроўні Дзень Волі ніколі не адзначаўся, а зараз ва ўмовах татальных рэпрэсій адзначаць яго проста небяспечна.
Усе актыўнасці адбываюцца за мяжой. Да беларусаў звярнулася лідар дэмакратычных сіл Святлана Ціханоўская.
«Мы ўсе ведаем і з цеплынёй беражом у сэрцах дату 25 сакавіка. Дзень абвяшчэння незалежнасці Беларускай Народнай Рэспублікі. Дзень, калі Беларусь выйшла з ценю імперыі-захопніка. Дзень, калі наш народ заявіў пра незалежнасць і права самастойна вызначаць свой лёс. І гэта непазбежна адбудзецца зноў…
25 сакавіка — дзень гонару і сімвал нашай нязломнасці. Падтрмлівайце адно аднаго, беражыце нашую гісторыю, і памятайце: кожны рэжым здаецца непахісным, але заўседы настае час тых, хто верыць у справядлівасць. Як бы нас не затыкалі, як бы не запалохвалі, як бы не спрабавалі зламаць, мы ўпэўнена і горда кажам: Жыве Беларусь!»
Чтобы следить за важными новостями, подписывайтесь на наш канал в Telegram и группы в социальных сетях: Вк, Одноклассники, Facebook, Instagram, ТикТок.
