Памяці Яўгена Шатохіна
Сябры і калегі знакамітага пінчука, беларускага мастака Яўгена Шатохіна (1947-2012) рыхтуюць выставу, прысвечаную памяці творцы. Мерапрыемства плануецца на кастрычнік, пройдзе ў Музеі беларускага Палесся, дакладная дата і час будзе змешчана на “Медыя-Палессе” пазней.
Арганізоўваюць выставу Валянцін Трусаў і Сяргей Харашаўцаў.
22 студзеня 2012 года Яўген Шатохін памёр у сваёй кватэры ў Пінску на 65-м годзе жыцця. Творца вядомы сваімі выставамі ў Францыі, Польшчы, Расіі і Злучаных Штатах Амерыкі. Галоўнай задачаю мастак лічыў адлюстраванне прыгажосці роднай зямлі, гісторыі свайго краю.
Першыя свае выставы мастак арганізаваў у 1972 годзе.
За гэты час Яўген Шатохін стварыў некалькі цыклаў і серый прысвечаных выбітным асобам, краявідам земляў, дзе бываў і жыў.
За сваю плённую працу ў 2004 годзе атрымаў медаль Беларускага саюза мастакоў «За заслугі ў выяўленчым мастацтве». Годам раней беларускі мастак атрымаў званне ганаровага грамадзяніна французскага горада Альберт.
Чтобы следить за важными новостями, подписывайтесь на наш канал в Telegram и группы в социальных сетях: Вк, Одноклассники, Facebook, Instagram, ТикТок.
