Дзмiтрый — журналіст і тэлевядоўца, які раней займаў пасаду ў частцы «прэзідэнцкага пула» тэлеканала АНТ, звольніўся у знак прэтэсту пасля выбараў.

Нядаўна палітвязня асудзілі да 3 гадоў калоніі.

Юлія  апублікавала ў ФБ верш, які Дзмітрый напісаў у лютым.

Тры крокі

Тры крокі да дзвярэй — такі шпацыр
Ну а далей да шконкі толькі бокам.
А колькі да вачэй тваіх ісці?
А колькі гэта будзе маіх крокаў?

Не ведаю, але раблю заўжды
Тры крокі, потым зноў тры крокі
І мой упарты рух туды-сюды
Не спынецца, пакуль трымаюць ногі.

Забараняюць легчы — не бяда,
Калі даюць зрабіць тры крокі.
Тут моляцца амаль усім Багам
Аллаху, Крышне, Езусу і Локі.

Я веру ў тое, што іду туды,
Дзе нашы ўрэшце сыйдуцца дарогі.
Двух лёсаў, цесна сплеценых шляхі
Яшчэ бліжэй, праз кожныя тры крокі.

«Мой любы даражэнькі чалавек. Самы блізкі ва ўсім свеце. Бясконца кахаю», — напісала Юлія на сваёй сатронцы.

Выказваем нашу падтрымку Юліі і яе сыну.