Аляксандр Лукашэнка 4 чэрвеня падпісаў указ № 231 «Аб ажыццяўленні дзейнасці на пазабіржавым рынку Форэкс».
«Дакумент прыняты ў мэтах развіцця фінансавага рынку Беларусі, павышэння прававой абароненасці грамадзян — спажыўцоў фінансавых паслуг і зніжэння рызыкі з’яўлення на рынку кампаній-махляроў і фінансавых пірамід», — паведамляе прэс-служба прэзідэнта.
Указ дае магчымасць вядзення ў Беларусі новага віду фінансавай дзейнасці з атрыманнем адпаведнага легальнага даходу. Дакументам урэгуляваныя механізмы правядзення аперацый на рынку Форэкс і кантролю над яго ўдзельнікамі.
Згодна з указам Нацыянальны банк будзе весці рэестр форэкс-кампаній. Пры гэтым уключэнне Нацбанкам юрыдычных асоб у рэестр з’яўляецца іх допускам на рынак Форэкс.
Дакументам устаноўлена, што памер статутнага фонду форэкс-кампаній павінен складаць не менш як 2 млрд. рублёў.
У мэтах забеспячэння фінансавай устойлівасці форэкс-кампаній і бяспекі аперацый на рынку Форэкс указам уводзяцца спецыяльныя фінансавыя нарматывы. Апрача таго, прадугледжаныя гарантыйны механізм, устаноўленыя кваліфікацыйныя патрабаванні і патрабаванні да дзелавой рэпутацыі кіраўнікоў форэкс-кампаній.
Указ набудзе моц праз дзевяць месяцаў пасля яго афіцыйнага апублікавання.
Создатели обещают удивить зрителей.
С помощью электронной платформы можно будет круглосуточно заказывать и оплачивать билеты на все городские, пригородные…
Секс играет важную роль в отношениях, но иногда он может стать источником проблем и недопонимания.…
В частности, этот мир должен быть таким, чтобы не было заморозки войны и не было…
По предварительной информации, у автокрана провалилась опорная "лапа" .
Без дождя, ветра, по-летнему тепло в в субботу-воскресенье на Полесье.