Мерапрыемствы будуць розныя, паведаміў карэспандэнту “Медыя-Палесся” адзін з удзельнікаў і ініцыятараў акцый Ігар Салавей:

– Перш за ўсё гэта, канечне, памінальныя мерапрыемствы. Неабходна запаліць знічы на магілах удзельнікаў паўстання. Ужо непасрэдна на выходных адправімся ў рэйд па мясцінах, дзе адбыліся баі паўстанцаў з рускай арміяй. Ушануем памяць барацьбітоў годна!

У планах удзельнікаў акцыі наведванне вёскі Калоднае, што на Століншчыне. У Калодным знаходзіцца мемарыяльны знак і вялізны крыж усталяваны сябрам Кансерватыўна-Хрысціянскай Партыі – БНФ “Адраджэнне” Лявонам Вабішчэвічам на месцы бою паўстанцкага атраду Рамуальда Траўгута.