Па словах арганізатараў, мерапрыемства накіравана на папулярызацыю нацыянальных традыцый, пашырэнне духоўнай спадчыны беларусаў, захаванне повязі пакаленняў.
Прыняць удзел у фестывалі-парадзе могуць усе жадаючыя. Для гэтага трэба быць у вышывынцы, ці выкарыстоўваць аксэсуары з нацыянальным беларускім арнаментам.
Да месца будуць кашулі і сукенкі-вышыванкі, у тым ліку «з бабулінага куфра», цішоткі, матузы з нацыянальным арнаментам, паясы ды іншае.
Фестываль-парад стартуе а 14-й гадзіне. Удзельнікі сустрэнуцца ля скульптуры «Пінчук» і адтуль пройдуць арганізаваным шэсцем па вуліцы Леніна і Дняпроўскай Флатыліі да гарадскога парку.
У парку, на святочнай сцэне, пройдзе дэфіле і фотасесія ўдзельнікаў.
Паводле інфармацыі Пінскага ГВК.
