Категории: Культура

Васіль Казачок, які ладзіць ганчарны фэст на Століншчыне, напісаў песеньку пра казачка

У гэтыя дні ладзіцца фэст у вёсцы Гарадная на Століншчыне. Кіраўнік цэнтра Васіль Казачок прысвяціў верш да гэтай падзеі.

Ці гэта лёс, ці гэта цуд,

Злых фей каварства?

Жыццё мне вынесла прысуд:

Жыві ганчарствам!

А я другога й не хачу –

Штодзень ганчарны круг кручу

Ажно да стомы ўваччу,

Павер, спадарства.

Якая ж сіла ў гэтым ёсць,

Якія чары !

Тварыць у гліне прыгажосць –

Гарэць пажарам.

Скручу мамзельку я ці гляк,

Мне б гліны добрае камяк

І каб заўсёды побач быў

Мой круг ганчарны.

Скручу ці шмат я тых гаршкоў,

Ці, можа, мала.

Ды толькі праца ганчара

Мне святам стала.

Падкіну ў горан добрых дроў,

Паклічу сябраў ганчароў,

Каб разам выпіць за любоў

І з’есці сала.

Аб тым, што стаўся ганчаром,

Я не шкадую.

Як вып’ем чарку за любоў –

Нальем другую.

І покуль горан наш гарыць,

Мы будзем пець, мы будзем піць

За ганчароў, і за любоў,

За Гарадную!

27.07.2024

Чтобы следить за важными новостями, подписывайтесь на наш канал в Telegram и группы в социальных сетях: Вконтакте, Одноклассники, Facebook, Instagram, ТикТок.