Падчас выступу прэзідэнта Расіі Уладзіміра Пуціна на Генеральнай асамблеі ААН ўкраінская дэлегацыя разгарнула прастрэлены сцяг. Сцяг быў прывезены з Ілавайска, дзе ў жніўні 2014 ішлі жорсткія баі паміж украінскай арміяй і сепаратыстамі з самаабвешчанай «Данецкай народнай рэспублікі».
«Наша дэлегацыя выйшла з залы падчас выступу таварыша Пуціна. На балконе перад ім быў разгорнуты сцяг Украіны з Ілавайска! Хай бачыць», — напісаў у сваім твітары пастаянны прадстаўнік Украіны пры ААН Юрый Сяргееў.
Падчас выступу Пуціна ўкраінская дэлегацыя пакінула залу Генеральнай асамблеі ААН. Раней тое ж зрабіла дэлегацыя Расіі падчас выступу прэзідэнта Украіны Пятра Парашэнкі. Тады ў зале застаўся толькі адзін расійскі дыпламат.
Пуцін, выступаючы на Генасамблеі ААН у панядзелак, заявіў, што цэласнасць Украіны не забяспечыць пагрозамі і сілай зброі. Паводле яго слоў, трэба ўлічваць інтарэсы і правы жыхароў Данбаса, паважаць іх выбар, і, як прадугледжваюць Мінскія пагадненні, узгадніць з імі ключавыя элементы ўстройства дзяржавы.
Баі ў Ілавайску і яго ваколіцах, адкуль быў прывезены сцяг, разгорнуты ўкраінскай дэлегацыяй, ішлі з 10 жніўня па 3 верасня 2014 года. У ходзе баёў ўкраінскія вайскоўцы часткова ўзялі горад пад свой кантроль, але пазней былі акружаны сепаратыстамі з самаабвешчанай «Данецкай народнай рэспублікі» і трапілі ў так званы «Ілавайскі кацёл».
У выніку Ілавайск перайшоў пад кантроль сіл «ДНР». Па дадзеных украінскай арміі, у баях за Ілавайск загінулі 366 вайскоўцаў, 289 атрымалі раненні, 128 трапілі ў палон і 158 прапалі без вестак. Страты сепаратыстаў яны ацанілі ў 300 забітых, 220 параненых і 20 палонных. Сепаратысты заявілі пра больш за 900 загінулых ўкраінскіх вайскоўцаў.
На Полесье на рабочей неделе по ночам около нуля, а днём со знаком плюс.
На данный момент единственной компанией, выпустившей так называемую "трикладушку", является Huawei.
Сколько бы книг о детях вы ни перечитали, ожидание и реальность могут не совпасть.
Захватчиков не нужно недооценивать, подчеркнул врио командира взвода роты "Гонор" батальона "Волки Да Винчи".
Эти приемы помогут насладиться веселым временем года и не набрать лишних килограммов.
Несколько простых действий помогут выявить опасную болезнь заблаговременно, что, по статистике, многократно увеличивает шансы на…