На 61-м годзе жыцця ў выніку хваробы памёр сябар Лунінецкай філіі ГА “БАЖ” Віктар Пятровіч Карповіч (чытачы ведалі яго пад творчым псеўданімам Віктар Філатаў).
Ён нарадзіўся ў 1954 годзе ў Пінску, але з ранняга дзяцінства жыў у Лунінцы. Закончыў Брэсцкі інжынерна-будаўнічы інстытут, працаваў ў сферах будаўніцтва, адукацыі, але сваё сапраўднае прызванне знайшоў у літаратурнай і журналісцкай дзейнасці.
З пачатку 90-х гадоў Віктар супрацоўнічаў з рэгіянальнымі выданнямі, найперш са штотыднёвікам “Информ-прогулка” (г.Лунінец), дзе быў спартыўным аглядальнікам (футбол – захапленне ўсяго ягонага жыцця), шмат пісаў на тэмы культуры, літаратуры, мастацтва… З 1999 года кіраваў лунінецкім творчым клубам “Муза, зладзіўшы сумесна з калегамі сотні разнастайных творчых вечарын, конкурсаў, фестываляў ды іншых акцый.
Аўтар зборнікаў паэзіі, эсэ, гумару, афарызмаў “Страна чудес”, “Тревога и надежда”, “Парушынкі ў воку” (з С.Нефідовічам), “Права на пошук” (з В.Жылко), “Великое и смешное”, укладальнік зборнікаў афарызмаў “Крупицы мудрости” і “Чаша терпения”.
Сябры ГА "Беларуская асацыяцыя журналістаў" глубока смуктуюць разам з роднымі і блізкімі Віктара Пятровіча.
Пахаванне адбудзецца сёння, 3 верасня.
З вершаў Віктара Філатава:
КРАІНА ПАКУТ
Загадваць наперад не бяруся,
Але з легенд мінулага пачутых
Гісторыя краіны Беларусі –
Гісторыя блуканння па пакутах.
Мы іх адолелі такое мноства
І столькі горкай крыўды за спіной,
Што цешымся пакутлівасцю лёсу –
І гэта стала рысай векавой!
БОЖЫ СУД
А можа, Божы суд ужо ідзе?..
І кожны, уладар ён ці нябога,
Стаіць у адмысловай той чарзе,
Што вызначана ўсемагутным Богам…
І хочацца забыцца – не выходзіць,
А доказы – як быццам на талерцы:
Нямногія сваёй канаюць смерцю,
Усё больш іх кара нейкая знаходзіць.
І можа, зразумее чалавек
Па мностве ўсюль раскінутых прыкметаў,
Што, каб душой спакойным быць спрадвек, –
Імкніся жыць па Боскіх запаветах!
* * *
Бог крылы зычыў кожнай птушцы,
Каб вольна над зямлёй лунаць,
А чалавеку – розум гнуткі,
Каб вольна лёс свой будаваць.
* * *
Праз пакуты да зорак імкніцеся
І свой род захаваць старайцеся.
З мэты той, беларусы, – жаніцеся!
Ну, а вы, беларускі, – мужайцеся!
Raiffeisen Bank International подписал соглашение с инвестором из Объединенных Арабских Эмиратов о выходе из состава…
Международная специализированная выставка проходила в столичном Футбольном манеже с 17 по 19 сентября.
В России Владиславу Бакальчуку, мужу главы Wildberries Татьяны Бакальчук и владельцу 1% акций маркетплейса, после…
Доступ к ним ограничен. Об этом заявил министр информации Марат Марков на пленарном заседании международной…
Переправа между Лунинецким и Столинским районами через Припять временно приостановила работу из-за низкого уровня воды.