У Беластоку прэзентавалі Берасцейскую Біблію

Адноўленыя Бібліі — вельмі каштоўныя і рэдкія старадаўнія выданні. Абедзве былі выдадзеныя ў XVI стагоддзі, паведамляе радыё «Рацыя».

Берасцейская Біблія — самае буйное па аб’ёме друкаванае выданне Вялікага Княства Літоўскага XVI–XVIII стст. — было надрукавана 4 верасня 1563 г. у Брэсце (адсюль і назва) накладам 500 асобнікаў. Часам Біблію таксама называюць “Радзівілаўскай”, бо яна была выдадзенана сродкі аднаго з кiраўнiкоў кальвiнiстаў у ВКЛ – Мiкалая Радзiвiла Чорнага.
Выданне ўяўляе сабой пераклад поўнага тэкста Свяшчэннага пісання са старажытнаяўрэйскай, грэчаскай і лацінскай моў на польскаую літаратурную мову XVI ст. Над перакладам працавалі спецыяльна запрошаныя кальвінісцкія тэолагі і літаратары.

Большая частка яе накладу, фінансаванага пратэстантам Мікалаем Радзівілам Чорным, была выкупленая яго звернутым у каталіцызм сынам — Мікалаем Хрыстафорам Радзівілам Сіроткай і спаленая на Віленскім рынку.

Выданне прадставіў супрацоўнік Бібліятэкі музея Кшыштаф Купінскі: «Біблія моцна звязаная з нашым рэгіёнам Еўропы, выдадзеная ў Берасці, падрыхтаваная ў Пінску. З таго што ведаю, у Беларусі таксама ёсць экзэмпляры Берасцейскай Бібліі. Выключнасць Берасцейскай Бібліі ў тым, што першы раз, што пры яе перакладзе выконваўся метад не слова ў слова, а перадаваўся агульны сэнс напісанага».

Копія гэтай Бібліі, якая належыць музею, была ў кепскім стане; блок кнігі быў пашкоджаны, старонкі адсутнічалі, пераплёт быў развалены. Усё гэта было адноўлена.

У свеце вядома больш за 130 асобнікаў (пераважная большасць з іх дэфектныя). У Беларусі арыгінальныя выданні Берасцейскай Бібліі захоўваюцца ў Цэнтральнай навуковай бібліятэцы імя Якуба Коласа НАН Беларусі, Брэсцкай абласной бібліятэцы і Музеі гісторыі горада Брэста.

Яўрэйская Біблія Эліяса Хатэра, так званая Біблія Хатэра 1587 года, была ў крыху лепшым стане. Як паведамляе музей, унікальнасць гэтай Бібліі пацвярджаецца выкарыстаннем розных тыпаў друкарскіх шрыфтоў, з дапамогай якіх Хатэр хацеў палегчыць сваім вучням засваенне іўрыту.

Чтобы следить за важными новостями, подписывайтесь на наш канал в Telegram и группы в социальных сетях: Вконтакте, Одноклассники, Facebook, Instagram.

Уважаемый читатель. Если Вы солидарны с журналистами, считаете этот материал важным, Вы можете поделиться ссылкой со своими друзьями и родными. Так Вы поддержите нашу работу и свободную прессу. Спасибо, что Вы с нами!