Рашэннем гэтага ж суда «экстрэмісцкімі» прызнаныя старонкі «Сообщества железнодорожников Беларуси» (СЖБ) у сацыяльных сетках «УКантакце» (2.767 падпісчыкаў), «Інстаграм» (1.981) і «Фэйсбук» (14).
Суд Ленінскага раёна Магілёва надаў аналагічны статус кантэнту інтэрнэт-рэсурсаў кіраўніка міжфракцыйнага аб’яднання дэпутатаў украінскага парламента «За дэмакратычную Беларусь» Аляксея Ганчарэнкі — тэлеграм-канала «ГОНЧАРЕНКО» (амаль 204 тыс. падпісчыкаў), а таксама старонкі ў «Інстаграм» (каля 75 тыс.).
«Экстрэмісцкімі матэрыяламі» прызнаны ютуб-канал «Тэлеканал Прямий» (2,36 млн падпісчыкаў) аднайменнага ўкраінскага вяшчальніка.
Суд Ленінскага раёна Гродна прыняў такое ж рашэнне ў адносінах да інфармацыі на старонках у сацыяльных сетках гродзенскага журналіста Руслана Кулевіча.
Суд Крупскага раёна Мінскай вобласці прызнаў «экстрэмісцкімі матэрыяламі» кантэнт акаўнтаў блогера Андрэя Павука ў «ЦікТоку».
Суд Кастрычніцкага раёна Віцебска прызнаў «экстрэмісцкім» змесціва тэлеграм-канала «Гос. Террор» (255 падпісчыкаў).
На падставе рашэння суда Буда-Кашалёўскага раёна (Гомельская вобласць) у «экстрэмісцкі спіс» унеслі 79 тэлеграм-стыкераў з выявай Адольфа Гітлера.
