У акцыі салідарнасці беларусаў Вільні прыняла ўдзел Святлана Ціханоўская
Акцыя прайшла на Кафедральнай плошчы. Пасля мітынгу калона накіравалася да Беларускай амбасады, дзе адбыўся канцэрт.
“Нас нішто не спыніць, пакуль мы не вернем сабе нашу краіну”, – адзначыла Святлана Ціханоўская.
“Мы з вамі ўсе — дзеці адной краіны, і гэта краіна належыць нам, а не ўзурпатарам і акупантам”, — заявіла яна, звяртаючыся да беларусаў.
Ціханоўская падзякавала ўсім краінам, якія падтрымлівалі беларускі народ тры гады. Асобна яна выказала падзяку Літве, якая “выратавала столькі жыццяў”.
Разам з тым палітык у чарговы раз заклікала Літву не ўраўноўваць абмежаванні для беларусаў і расіян, “адрозніваць беларусаў ад рэжыму”.
Нагадаем, Святлана Ціханоўская родам з Палесся – Мікашэвічаў Лунінецкага раёна.
Чтобы следить за важными новостями, подписывайтесь на наш канал в Telegram и группы в социальных сетях: Вк, Одноклассники, Facebook, Instagram, ТикТок.
