Як распавяла Медиа-Полесью дырэктар Столінскага ГДК Кацярына Сакалова, удзел у конкурсе прынялі тры сям’і: Андрэя і Наталлі Антановіч з вёскі Туры, Аляксандра і Алены Мацюшок з вёскі Асавая, Вячаслава і Сняжаны Колбік з вёскі Мачуль.

Конкурсная праграма складалася з шасці этапаў, дзе кожная з сямей магла паказаць усё самае лепшае з таго, што ведае і ўмее. Трэба было прадставіць візітоўку, паўдзельнічаць у конкурсах «Сялянскія прысмакі» і «Лепшы сельскі падворак», «Выставе дасягненняў сямейнай гаспадаркі».

Конкурс «Па дровы» праходзіў на спецыяльнай пляцоўцы. Па яго ўмовах неабходна распілаваць, а потым пакалоць дровы і з паленняў скласці слова «Лад».

На абласным конкурсе ў Давыд-Гарадку Століншчыну прадставіць сям’я Колбік. У Вячаслава і Сняжаны Колбік чацвёра дзяцей: Віталь, Алег, Ягор і Дар’я.

Конкурсы суправаджаліся музычнымі высупленнямі столінскіх артыстаў, а пасля завяршэння праграмы на сцэне Стружскага СДК адбыўся святочны канцэрт.