Як паведаміла карэспандэнту “Медиа-Полесья” начальнік аддзела эканамічнага аналізу, прагназавання, уліку і рэфармавання райвыканкама Таіса Барысаўна Некрашэвіч,  наш раён прадставяць лепшыя хлебаробы – экіпаж камбайнераў з СВК “Фядорскі” у складзе Міхаіла Мікалаевіча Пацукевіча і Анатоля Вітальевіча Шуркала (3-е месца ў рэспубліцы). Таксама на свята запрошаны аператар зернесушыльных установак Васіль Якаўлевіч Мельнік з КУВП “Манькавічы”, што заняў 3 месца па выніках рэспубліканскага конкурсу.