Дыпломам І ступені на заключным этапе рэспубліканскай алімпіяды па беларускай мове і літаратуры ўзнагародзілі вучаніцу 9 класа Фядорскай СШ Вікторыю Цярлецкую.
Вікторыя Цярлецкая ў студзені гэтага года вярнулася дамоў з абласнога этапу рэспубліканскай алімпіяды па беларускай мове і літаратуры з Дыпломам І ступені. Дзякуючы выдатным ведам, якія яна паказала, дзяўчынку разам з 15 школьнікамі ўключылі ў склад зборнай Брэсцкай вобласці для ўдзелу ў заключным этапе рэспубліканскай алімпіяды па беларускай мове і літаратуры.
І вось у другой палове сакавіка на працягу пяці дзён каманда Брэстчыны знаходзілася ў Полацку (Віцебская вобласць), дзе праходзіў заключны этап алімпіяды. Вікторыя і там паказала цудоўнае веданне любімых прадметаў і была ўдастоена Дыплома І ступені. “Да самага апошняга моманту мы не ведалі, каго ўзнагародзяць дыпломамі: усе вучні добра паказалі свае веды. Кожны з нас ведаў свой агульны бал, вось, зыходзячы з гэтага, мы маглі толькі здагадвацца, хто акажацца сярод лідараў”, – расказвае Вікторыя Цярлецкая.
У Полацк на заключны этап алімпіяды па беларускай мове і літаратуры прыехалі восем каманд з усёй краіны, сярод іх была яшчэ і каманда з Літвы. У час алімпіяды дзеці не толькі выконвалі заданні, але і шмат падарожнічалі па Полацку, знаёміліся з яго гісторыяй і культурай, наведалі шмат цікавых мясцін, у мясцовым тэатры глядзелі спекталь.
“Усюды нас цёпла сустракалі, шчыра віталі, – дзеліцца ўражаннямі ад арганізацыі алімпіяды Вікторыя. – На працягу ўсяго часу, што я правяла ў Полацку, панавала прыемная атмасфера. Ды і наша каманда аказалася вельмі добрай. Нас было 15 дзяўчынак і адзін хлопчык. Вечарамі мы дзяліліся ўражаннямі ад кожнага дня ў Полацку, абмяркоўвалі свае адказы ў алімпіядных заданнях, хваляваліся адзін за аднаго”.
Вікторыя вельмі ўдзячна сваму настаўніку Надзеі Мікалаеўне Палукошка, якая, пачынаючы з пятага класа дзяўчынкі, мэтанакіравана займалася з ёй не толькі на ўроках, але і пасля таго, як скончыліся заняткі ў школе. Тандэм удаўся: на гэта паказваюць вынікі працы.
Акрамя алімпіяды па беларускай мове і літаратуры, у гэтым навучальным годзе Віка ўдзельнічала ў раённым этапе рэспубліканскіх алімпіяд па рускай мове і літаратуры, па геаграфіі, па астраноміі. У апошняй дзяўчынка паказала свае веды нараўне з 11-класнікамі, сярод якіх таксама заняла першае месца.
Віншуем Вікторыю і яе настаўніка з выдатным вынікам на рэспубліканскай алімпіядзе!
Рукопись более двух веков хранилась в одной из городских библиотек Лейпцига.
Ищете идеальный фильм для романтического вечера с любимым человеком? Сочетание романтики и эротики может создать…
Какие можно выбрать курорты осенью, чтобы насладиться морским воздухом.
Подготовка дома к зиме — важный процесс, который помогает сохранить тепло и уют в холодное…
17 пожарных машин из Беларуси, направленные в Зимбабве, изъяты в Клайпеде в прошлом году в…
Ароматная тыквенная каша получается с первого раза и напоминает о детстве.