Сергій Крышталь: “Абраз – гэта акно ў рай”
У Лунінецкім раённым краязнаўчым музеі 10 красавіка адкрылася праваслаўная выстава абразоў "Каштоўнасці - праз стагоддзі", прымеркаваная да хуткага велікоднага тыдня.
Адкрываючы праваслаўную выставу, настацель храма абраза Божай Маці «Спагнанне Загінулых» іерэй Сергій Крышталь распавёў пра значнасць абразоў у нашым жыцці, пра тое, што пішуцца яны па вызначаных канонах і распавядаюць пра вечныя праўды. «Абраз – гэта акно ў рай», – адзначыў іерэй Сергій Крашталь.
На выставе прадстаўлена 40 абразоў XVIII-XIX стагоддзяў з фондаў краязнаўчага музея, перададзеных установе культуры Брэсцкім музеем выратаваных каштоўнасцяў. Таксама на выставе можна пазнаёміцца з працамі навучэнцаў Лунінецкай дзіцячай школы мастацтваў.
Адначасова дзейнічае выстава-продаж, на якой прпанаваныя абразы, кнігі і іншыя прадметы царкоўнага строя.
Працаваць музейная выстава будзе па 21 красавіка.
Чтобы следить за важными новостями, подписывайтесь на наш канал в Telegram и группы в социальных сетях: Вк, Одноклассники, Facebook, Instagram, ТикТок.
