На ютуб-канале распачаты праект “Гісторыя на Свабодзе”.
“Вакол Беларусі ідзе вайна гісторый, — адзначыў рэдактар праекту Сяргей Абламейка. — Падзеі ва Украіне не выключэнне. Расія страляе не толькі ракетамі і снарадамі, але і гістарычнымі аргументамі, гістарычнай прапагандай. Украіна бароніцца не толькі зброяй, але і нацыянальнай памяццю”.
Паводле яго слоў, беларусы “таксама маюць сваё бачанне гісторыі, якое цалкам адрозніваецца ад расійскага”.
Разам з ютуб-каналам з’явіўся аднайменны падкаст на платформах Apple Podcasts, Google Podcasts, Spotify, Soundcloud, “Яндекс Музыка”.
Выпускі будуць двойчы на тыдзень — па серадах і суботах.