Як распавяла Медиа-Полесью дырэктар Столінскага ГДК Кацярына Сакалова, да ўдзелу ў конкурсе запрашаюцца дзяўчаты, якія працуюць на прадпрыемствах і арганізацыях Столінскага раёна. Каб прыняць удзел у конкурсе, трэба звярнуцца ў Столінскі ГДК.

Раённы конкурс “Прыгажуня Палесся – 2017” уключае ў сябе “Візітную картку” (патрэбна ярка і цікава прадставіць сябе і сваю прафесію), “Дэфіле народнага стылізаванага касцюма” (падрыхтаваць касцюм з падручных матэрыялаў і паказаць яго), “Лета – сонейка – мора – пляж” (прадставіць летняе адзенне), “Дэфіле ў вячэрнім убранні” (дэманстрацыя вячэрніх сукенак).

Пераможцы конкурсу будуць вызначаны ў намінацыях і атрымаюць каштоўныя падарункі ад арганізатараў і спонсараў мерапрыемства. Акрамя таго, вызначаны “Прыз глядацкіх сімпатый” і “Прыгажуня Палесся – фота”.

Арганізатарамі конкурсу выступаюць аддзел ідэалагічнай работы, культуры і па справах моладзі Столінскага райвыканкама, раённае аб’яднанне прафсаюзаў, РК ГА “БРСМ”, раённая арганізацыя РГА “Белая Русь”.

Адбудзецца раённы конкурс “Прыгажуня Палесся – 2017” у Дзень Незалежнасці, 3 ліпеня, у Століне. Месца правядзення: гарадскі парк, пачатак у 14.30.