Святочная праграма, прысвечаная Міжнароднаму дню роднай мовы, адбылася ў Столінскай цэнтральнай раённай бібліятэцы.
«Дзяды і бацькі нашу мову стваралі, каб звонка звінела, была, як агонь», – гэтыя цудоўныя словы беларускага паэта Петруся Броўкі сталі пачаткам святочнай праграмы «Наша невычэрпнае багацце», прысвечанай Міжнароднаму дню роднай мовы.
Наведалі бібліятэку вучні 10 «А» класа СШ №2 г. Століна са сваім класным кіраўніком – настаўніцай беларускай мовы і літаратуры Алай Адамаўнай Лічэўскай. Арганізатары праграмы Лідзія Царык і Ірына Навумчык расказалі прысутным, чаму менавіта 21 лютага адзначаецца Дзень роднай мовы, зрабілі экскурс у гісторыю беларускай мовы, загадалі дзецям жартоўныя загадкі. На працягу мерапрыемства дэманстраваліся відэаролікі, у якіх сучасная моладзь выказваецца аб прыгажосці беларускай мовы.
Загадчыца аддзела абслугоўвання бібліятэкі Лідзія Царык правяла агляд кніжнай выставы «Родная мова, чыстая, светлая». Вялікую цікавасць ў вучняў выклікала факсімільнае выданне «Кніжная спадчына Францыска Скарыны», якое зусім нядаўна паступіла ў фонд бібліятэкі.
Напрыканцы сустрэчы вучні выказалі словы падзякі работнікам бібліятэкі. Спадзяемся, што такія мерапрыемствы дапамагаюць моладзі усведамляць хараство ўласнага нацыянальнага багацця – роднай мовы.
Россия, ударив новой гиперзвуковой баллистической ракетой средней дальности «Орешник» по украинскому Днепру, вывела идущую в…
Весной нынешнего года вступил в силу Закон «Об изменении законов по вопросам обеспечения национальной безопасности»,…
Республиканская ярмарка вакансий для людей «серебряного» возраста и инвалидов пройдет 28 ноября в Лунинце.