Нельга сказаць, што гульня насіла дынамічны характар, у цэлым матч праходзіў у даволі-такі павольным руху. Але напрыканцы першага тайма аўтазаводцы стварылі выдатны момант каля варот гаспадароў, і Бажко трапным ударам адправіў мяч у сетку.

Пасля перапынку тэмп гульні амаль не змяніўся, раз-пораз каманды намагаліся прарвацца да варот саперніка, але безвынікова. Аднак апошнія 15  хвілін каманды паказалі на зайздрасць дынамічны і якасны футбол.

“Хваля” таксама не ўпусціла і рэалізавала свой момант: на 77-й хвіліне Валадзько зраўнівае лік і выратоўвае каманду ад паражэння. Пасля забітага гаспадарамі поля гола, абедзве каманды мелі яшчэ шмат добрых момантаў, здавалася, вось-вось мяч трапіць у вароты, але лік на табло застаўся нязменным – 1:1.

Адметнасць гэтай гульні прыдала менавіта мінскае “Тарпеда”. Каманда з’яўляецца адной з самых тытулаваных і найстарэйшых клубаў краіны. Асаблівась гэтай дружыны – у яе адданых прыхільніках, якія нават у самыя цяжкія для каманды хвіліны не пакідаюць яе падтрымліваць.

Больш фота ў нашай групе ў ВК

ДАВЕДКА МП:

 “Тарпеда”:

пяціразовы чэмпіён БССР (1947, 1962, 1966, 1967, 1969);

чатырохразовы срэбраны прызёр чэмпіянатаў БССР (1950, 1963, 1968, 1983);

трохразовы бронзавы прызёр чэмпіянатаў БССР (1972, 1976, 1990);

трохразовы ўладальнік Кубка БССР (1949, 1950, 1967);

фіналіст Кубка БССР (1949, 1950, 1967);

Фіналіст Кубка Рэспублікі Беларусь (1999/2000);

пераможца турніра сярод каманд 2-й лігі чэмпіяната Беларусі (2005);

Фіналіст кубка СССР сярод калектываў фізічнай культуры – “Кубак мільёнаў” (1968);

уладальнік Кубка Мінска (2009).