У пачатку 1990-х гадоў, пасля падзення ваяўнічага атэізму, семінарыя стараннямі кардынала Казіміра Свёнтка была вернута Касцёлу, адрамантавана і восенню 2001 года зноў адчыніла дзверы для навучэнцаў.

Свята семінарыі будзе спалучана з днём адчыненых дзвярэй. Да ўдзелу ва ўрачыстасцях запрашаюцца ўсе жадаючыя, асабліва юнакі, якія разважаюць над святарскім пакліканнем.

Плануецца, што удзел у святкаванні прымуць тыя духоўныя і свецкія асобы, якія стаялі ля вытокаў адраджэння гэтай установы, удзельнічалі ў фарміраванні яе сучаснага аблічча. Таксама на ўрачыстасць запрошаны святары, якія прайшлі тут фармацыйна-адукацыйны шлях і цяпер паспяхова служаць як душпастыры ў самых розных кутках Беларусі.

Праграма святкавання:

10,00 – урачыстая сустрэча з нагоды 15-годдзя адраджэння семінарыі і пачатку новага навучальнага года 2016\2017 (актавая зала імя Зыгмунта Лазінскага ў будынку семінарыі)

12.00 – Святая імша ў катэдральным касцёле

14.00 – Культурная праграма для ўдзельнікаў святкавання

Паводле catholic.by