Касцёл святога Бенэдыкта асвяцілі ў Пінску 27 кастрычніка. Святыня будзе яднаць каталікоў, якія жывуць у новабудоўлях мікрараёнаў Лугі, Верасы, Вясёлкавы і Паўночны.
Падзея прысвечана 90-годдзю заснавання Пінскай дыяцэзіі і 145-й гадавіне нараджэння першага кіраўніка дыяцэзіі біскупа Зыгмунта Лазінскага.
Ва ўрачыстасці прынялі ўдзел Апостальскі Нунцый у Беларусі арцыбіскуп Клаўдыё Гуджэроцці, Мінска-Магілёўскі арцыбіскуп Тадэвуш Кандрусевіч, прадастаўнікі каталіцкай царквы са ўсёй Беларусі, з Украіны і Расіі. Таксама прысутнічалі прадстаўнікі беларускіх уладаў і дыпламатычнага корпусу.
Сярод пінчукоў, якія прыйшлі на мерапрыемства, было шмат маладых сем’яў з дзецьмі.
Перад пачаткам асвячэння Апостальскі Нунцый у Беларусі Клаўдыё Гуджэроцці пракаментаваў Медыя-Палессю:
– Гэта вялікая і важная падзея ў жыцці Пінска. Новы касцёл святога Бенэдыкта – знак жыццёвага аднаўлення да радасці мясцовых вернікаў.
Пінскі біскуп Антоні Дзям’янка распавёў Медыя-Палессю, што гэта першая святыня, збудаваная на Піншчыне пасля 200 год перапынку. Асвечаны будынак касцёлу, Крыж святога Бенэдыкта і абразы. У бліжэйшы час будзе ўсталяваны алтар, звон на званіцы касцёлу і працягнуцца працы па дабраўпарадкаванні тэрыторыі. Гэтая будоўля з’яўляецца не толькі памяццю пра мінулае, але і задавальненне новых патрэбаў вернікаў.
Святы Бенэдыкт – пачынальнік манаскага жыцця рымскага касцёлу ў Еўропе, з’яўляецца апекуном Еўропы. Манаскі статут бенэдэктынцаў не адно стагоддзе аказваў уплыў на культуру еўрапейскіх краін. Дэвіз святога Бенэдыкта : “Маліся, працуй і нясі надзею людзям”.
Далей пачалася святая імша, якую узначаліў Мітрапаліт Тадэвуш Кандрусевіч, па яе заканчэнні гучалі вітальныя словы прадстаўнікоў дзяржавы. Біскуп Антоні Дзям’янка падзякваў усім за ўдзел ва ўрачыстасці і раздаў лісты падзякі тым, хто ўдзельнічаў у будаўніцтве святыні.
Нагадаем, новы касцёл Святога Бенедыкту ў Пінску быў пабудаваны за 6 месяцаў. Гэтаму спрыяла шчырае жаданне парафіянаў, якія дапамагалі на ўсіх этапах будаўнцтва: ад праектавання да будаўнічых працаў, а таксама пазіцыя дзяржаўных уладаў, якія хутка вырашылі пытанне з рэгістрацыяй новай каталіцкай парафіі, скорая праца арганізацый-падрадчыкаў.
Касцёл святога Бенэдыкта будзе другім у Пінску, горадзе са 130-тысячным насельніцтвам, і стане месцам яднання католікаў з мікрараёнаў горада: Лугі, Верасы, Радужны і Паўднёвы, у якіх жыве каля 70 тысяч чалавек. Новы каталіцкі храм паўстаў непадалёк ад пратэстанцкіх і праваслаўных святыняў.
Создатели обещают удивить зрителей.
С помощью электронной платформы можно будет круглосуточно заказывать и оплачивать билеты на все городские, пригородные…
Секс играет важную роль в отношениях, но иногда он может стать источником проблем и недопонимания.…
В частности, этот мир должен быть таким, чтобы не было заморозки войны и не было…
По предварительной информации, у автокрана провалилась опорная "лапа" .
Без дождя, ветра, по-летнему тепло в в субботу-воскресенье на Полесье.