Чарговае пацвярджэнне свайго звання Народным драматычным тэатрам “Пагарынне” адбылося 27 лютага. На сцэне Столінскага ГДК гледачам быў паказаны новы спектакль па п’есе Васіля Ткачова “Курорт для зяця”, прэм’ера якога адбылася 14 лютага.
Калектыў з’яўляецца, удзельнікам І Усесаюзнага фестываля самадзейнай народнай творчасці на ВДНХ у Маскве, дыпламантам ІІ ступені ІІІ Рэспубліканскага фестывалю аматарскіх тэатраў “Тэатральныя скрыжаванні” (2004 г.), лаўрэатам шэрагу прэмій.
А усё пачалося з таго, што ў 1962 годзе па ініцыятыве Валянціна Аляксандравіча Іўковіча была створана агітбрыгада “Веснікі”. Як кажа Валянцін Іўковіч, стварэнне агітбрыгады абумоўлена тым часам і тымі абставінамі грамадскага жыцця, што склаліся ў канцы 50-х – пачатку 60-х гадоў мінулага стагоддзя. У 1974 годзе калектыў атрымаў ганаровае званне – народны.
У 2006 – рашэннем калегіі Міністэрства культуры Рэспублікі Беларусь народны агіттэатар “Веснікі” быў пераіменаваны ў Народны драматычны тэатр “Пагарынне”. “Назва “Пагарынне” была выбрана невыпадкова, – расказвае Валянцін Іўковіч. – Спачатку хацелася назваць яго Палескім драматычным тэатрам, але пінскія калегі апярэдзілі. Параіўшыся з паэтам-земляком Леанідам Дранько-Майсюком, якога я вельмі паважаю як чалавека, што з любоўю гаворыць пра родны край, тэатру была дадзена назва “Пагарынне”.
Валянцін Іўковіч кіраваў калектывам на працягу 50 гадоў. З мінулага года тэатрам кіруюць Іна Філановіч і Ніна Буткевіч.
Зараз калектыў тэатра складаецца з 10 удзельнікаў: Кацярына Сакалова, Віталь Калавур, Арцём Казакоў, Дзмітрый і Галіна Цярлецкія, Валянціна Стахавец, Валянціна Мароз, Таццяна Цупа, Ніна Лісавец, Андрэй Юнкевіч. Узрост удзельнікаў розны: самыя меншыя – вучань 11 класа і навучэнец Столінскага каледжа, а самы дарослы ўдзельнік знаходзіцца на заслужаным адпачынку.
На сённяшні дзень у рэпертуары тэатра – навагодняя казка “Прыгоды Машы і Мядзведзя”, урывак са спектакля “Паўлінка” Я.Купалы, дзіцячая казка “Залатое кураня” С. Навуменкі і, канечне, “Курорт для зяця” В.Ткачова.
Як правіла, пастаноўкі адбываюцца на сцэне ГДК. Акрамя таго, артысты “Пагарыння” прымаюць удзел ва ўсіх гарадскіх святах, што ладзяцца аддзелам культуры. Касцюмы ў асноўным рыхтуюць самі, дэкарацыі ствараюцца тут жа, у ГДК.
Павіншуем “Пагарынне” з пацвярджэннем звання, пажадаем і далей радаваць гледача сваёй творчасцю!
С возрастом острота зрения может снижаться, что является естественным процессом. Однако правильный уход за глазами…
На северо-востоке Техаса обнаружены редкие окаменелости мозазавра Globidens alabamaensis - хищника со странными грибовидными зубами.
Компульсивное переедание — это проблема, с которой сталкиваются многие люди. Оно проявляется в виде неконтролируемых…
Министерство образования определилось с предметами, экзамены по котором будут сдавать выпускники 9-х и 11-х классов…
В результатах поиска появится обновленная функция, которая покажет, применялся ли искусственный интеллект при создании изображения…
Сёння, 20 верасня, журналісту, карэспандэнту "Медиа-Полесья" Васілю Мацкевичу споўнілася б 50 год.