Ахмад падкрэсліў, што запрашэнні былі разасланыя кіраўнікам дзяржаў усіх краін, з якімі Вялікабрытанія мае “поўныя дыпламатычныя стасункі, за невялікай колькасцю выключэнняў”.

Акрамя Беларусі не запрошаныя прадстаўнікі Афганістана, Венесуэлы, Ірана, М’янмы, Расіі і Сірыі. Адметна, што Нікарагуа і Паўночная Карэя запрошаныя на каранацыю — на ўзроўні дыпламатаў.

Узыходжанне на трон Чарльза III адбудзецца 6 траўня. Ён будзе каранаваны разам са сваёй жонкай, каралевай-кансортам Камілай.

Паводле папярэдніх звестак, на цырымоніі будуць прысутнічаць больш як 2,2 тыс. чалавек з 203 краін, у тым ліку каля 100 кіраўнікоў дзяржаў.