Як раней адзначыў у размове з карэспандэнтам Медиа-Полесья начальнік аддзела ідэалагічнай работы, культуры і па справах моладзі Васіль Заруба, музей пад адкрытым небам будзе створаны на пляцоўцы каля музея гісторыі горада Давыд-Гарадка. Пад адкрытым небам на плошчы прыкладна ў 20 сотак размесцяць прадметы быту жыцця палешукоў. Наведвальнікі музея праз такія экспанаты змогуць як мага больш даведацца пра жыццё палешукоў, пра традыцыі і абрады жыхароў Століншчыны.
Музей гісторыі горада Давыд-Гарадка ў новым будынку па вуліцы Яраслаўскай распачаў працу ў першай палове красавіка. Раней ў гэтым будынку знаходзіўся Давыд-Гарадоцкі гарвыканкам, а філіял Столінскага раённага краязнаўчага музея ў Давыд-Гарадку месціўся ў адным будынку з Домам дзіцячай творчасці на галоўнай плошчы горада. Усяго экспазіцыйная плошча займае 81 м кв. Музей гісторыі Давыд-Гарадка змяшчае тры залы: гістарычную, літаратурную гасцёўню і зал творчых прац мясцовых мастакоў. Усяго ў экспазіцыі музея прадстаўлена больш за 1200 экспанатаў.
Музей працуе кожны дзень акрамя панядзелка і аўторка. Тут рады ўсім наведвальнікам, яго дзверы адчынены для кожнага.
Калі ў вас ёсць цікавыя экспанаты, што адносяцца да гісторыіі Давыд-Гарадка, падзяліцеся імі з музеем.
Чтобы следить за важными новостями, подписывайтесь на наш канал в Telegram и группы в социальных сетях: Вк, Одноклассники, Facebook, Instagram, ТикТок.
