Лепшай філіяй арганізацыі пяты год запар стала Лунінецкая філія БАЖ, якую ўзначальвае Святлана Гарда. Як адзначыла намесніца старшыні ГА “БАЖ” Аліна Суравец, незалежныя лунінецкія журналісты актыўна падтрымліваюць ініцыятывы БАЖ, ладзяць шмат уласных мерапрыемстваў, а філія з’яўляецца ўстойлівай структурай.
Другое месца прысуджана Брэсцкаму аддзяленню БАЖ, якім кіруе Алег Супрунюк. Трэцяе месца сёлета не прысуджалася. Дыпломы “За адказную і сумленную працу з сябрамі арганізацыі” па выніках 2012 года атрымалі кіраўнік магілёўскай суполкі Генадзь Суднік, лідар гомельскай гарадской арганізацыі Анатоль Гатоўчыц, а таксама кіраўніца віцебскай суполкі Алена Сцяпанава.
“За ўмацаванне мясцовай журналісцкай супольнасці” дыпломы атрымалі лідар салігорскай суполкі Варвара Чаркоўская, бабруйскай – Анатоль Санаценка, глыбоцкай – Таццяна Смоткіна, крычаўскай – Сяргей Няроўны, маладзечанскай – Святлана Цішко.
