Латушка: Абвешчаныя ў вышук Польшчай беларускія сілавікі могуць быць затрыманыя нават ў ААЭ

14 октября 2023, 9:53

Аднойчы вінаватыя ў злачынствах супраць чалавечнасці панясуць пакаранне, а да гэтага яны будуць знаходзіцца пад рызыкай затрымання, заявіў палітык, каментуючы абвяшчэнне Польшчай у вышук беларускіх сілавікоў, якія ўдзельнічалі ў рэпрэсіях.

Латушка звярнуў увагу, што абвешчаныя ў вышук могуць быць затрыманыя па лініі Інтэрпола не толькі ў дэмакратычных краінах.

“Некаторыя вельмі любяць ездзіць у Аб’яднаныя Арабскія Эміраты, з якімі Польшча нядаўна падпісала пагадненне аб выдачы злачынцаў па запытах пракурораў. Такім чынам, калі падазраваны апынецца на тэрыторыі ААЭ, магчыма, будзе выдадзены Польшчы”, — сказаў ён.