Біскуп Антоні Дзям’янка падпісаў Дэкрэт аб адпустах у Пінскай дыяцэзіі ў Год кансэкраванага жыцця (то бок год, прысвечаны асобам, якія аддалі сваё жыццё служэнню Богу).
Паводле Дэкрэту, да 2 лютага 2016 кожны вернік штодзённа можа быць вызвалены ад грахоў. Акрамя Пінскага катэдральнага касцёла, гэта можна зрабіць у касцёлах Узвышэння Святога Крыжа ў Брэсце, Нараджэння Найсвяцейшай Панны Марыі ў Гомелі, Святых Пятра і Паўла ў санктуарыі Маці Божай Каралевы Палесся ў Лагішыне, Узвышэння Святога Крыжа ў санктуарыі Св. Андрэя Баболі ў Іванаве, Маці Божай Фацімскай у Баранавічах и касцёле Найсвяцейшай Тройцы ў Бярозе.
Для атрымання адпусту неабходна вызваліцца ад грахоў на споведзі, прыняць Святую Камунію і памаліцца ў інтэнцыях СвятогаАйца.
ДАВЕДКА МП
Індульгенцыя (у літургічных тэкстах Каталіцкага Касцёла ў Беларусі выкарыстоўваецца тэрмін «адпуст») – гэта форма духоўнай рэабілітацыі, якую Касцёл прапануе сваім вернікам, што атрымалі духоўныя раны ў выніку ўчыненага граху.
Адна з умоў для тых, хто хоча аднавіць свае духоўныя сілы з дапамогай атрымання адпусту, – здзейсніць добры ўчынак, вызначаны Касцёлам (гэта можа быць малітва, пілігрымка, наведванне хворых).
