У календары на кожны дзень года прыпадае новае беларускае словазлучэнне, якое адлюстравана ў вясёлых малюнках. Незвычайнае выданне ад камапніі «Будзьма беларусамі!» можна набыць у пінскай кнігарні “Полымя”.
Каардынатар кампаніі «Будзьма беларусамі!» Алена Макоўская, распавядае, што падобны каляндар на 2015 год быў вельмі станоўча ацэнены чытачамі. Пра гэта сведчыў высокі попыт на яго ў кнігарнях. Друкаваная, і мабільная версіі календара атрымалі прызавыя месцы на 6-м фестывалі беларускамоўнай рэкламы «Аднак».
– Думаем, што сакрэт поспеху – і ў вясёлым прывабным дызайне, і ў цікавай падборцы словаў, што надае календару і адукацыйны эфект. Наш каляндар і для дзяцей, і для дарослых! Таму мы вырашылі выдаць яго і ў 2016 годзе, дапоўніўшы новымі цікавосткамі.
Аўтар ідэі дызайнер Анатоль Лазар (студыя «Адліга») дадае:
– Мінулагодняе выданне календара было такім удалым і папулярным, што рызыкаваць гэтым праз пошукі новых форм мы не сталі. Як кажуць: „Не гані Бога ў лес, калі ў хату ўлез“ . Але новыя словы, малюнкі і прымаўкі у ім таксама ёсць.
Па словах аўтаркі малюнкаў Дар’і Мандзік, ідэя праекта агулам яшчэ надоўга застанецца актуальнай:
– Навізна праекта сатрэцца, калі кожны з нас зможа без запінкі назваць усе навакольныя рэчы па-беларуску. Я буду радая, калі новы тыраж трапіць да тых, каму не хапіла мінулага. А астатнім зычу паўторнай асалоды і ўвагі, каб знайсці для сябе нешта новае!
Адзначым таксама, што мабільная версія календара, дасяжная для бясплатнага скачвання па спасылках: для iOS і для Android.
С помощью электронной платформы можно будет круглосуточно заказывать и оплачивать билеты на все городские, пригородные…
Секс играет важную роль в отношениях, но иногда он может стать источником проблем и недопонимания.…
В частности, этот мир должен быть таким, чтобы не было заморозки войны и не было…
По предварительной информации, у автокрана провалилась опорная "лапа" .
Без дождя, ветра, по-летнему тепло в в субботу-воскресенье на Полесье.
Raiffeisen Bank International подписал соглашение с инвестором из Объединенных Арабских Эмиратов о выходе из состава…