Казімір Велікаселец у 1992 годзе быў прызначаны Генеральным вікарыем для Пінскай дыяцэзіі, адначасова выконваў абавязкі дэкана Баранавіцкага дэканата і пробашча касцёла Узвышэння Святога Крыжа ў Баранавічах. 6 мая 1999 Папа Ян Павел II прызначыў яго тытулярным біскупам Бланды Юліі і дапаможным біскупам Пінскай дыяцэзіі. 24 чэрвеня таго ж году адбылося рукаўскладанне ў біскупа.
Біскуп Пінскай дыяцэзіі Казімір Велікаселец, які болей дзесяці год служыў пры Пінскай катэдры, пераведзены ў Гомель, дзе будзе адказваць за каардынацыю душпастырства па вобласці. Аб гэтым заявіў біскуп Антоні Дзям’янка падчас наведвання гомельскай парафіі.
