Раённае свята працаўнікоў вёскі “Дажынкі-2018” адбылося ў вёсцы Асавая Столінскага раёна ў нядзелю, 26 жніўня. Сярод гасцей быў і Іван Наскевіч. Старшыня Следчага камітэта прыняў удзел ва ўскладанні кветак да помніка загінуўшым у гады Вялікай Айчыннай вайны, а затым прайшоў у святочным шэсці дэлегацый раённых “Дажынак”.
Шчыра павіншаваў Іван Наскевіч працаўнікоў вёскі.
– Асабліва прыемна быць з вамі ў Год малой радзімы. Быць з вамі, са сваімі землякамі, і выканаць пачэсную місію: уручыць знакі пашаны лепшым працаўнікам столінскай нівы, – звярнуўся па-беларуску старшыня Следчага камітэта да прысутных.
Затым ён уручыў узнагароды пераможцам раённых спаборніцтваў на ўборцы ўраджаю зернавых і зернебабовых культур.
У мінулым годзе раённыя “Дажынкі” прымала Беражное. У 2017 годзе свята адбылося ў Белавушы, у 2015 – у Рамлі, у 2014 годзе – у Фядорах.
