Даніла Басавец прыехаў на Еўра-2016 да першага паўфіналу, у якім сустракаліся зборныя Партугаліі і Уэльса.
Самым яркім успамінам 8-гадовага хлопчыка пра паездку стала сустрэча з гульцамі. Яна атрымалася кароткай і прайшла ў падтрыбунным памяшканні. Там капітан партугальскай дружыны Крыштыяну Раналду павітаў дзетак.
«Усім нам Крышціяну даў пяць!», — узгадвае Даніла.
На поле Данілу пасунулі ў шэрагу дзяцей і паставілі перад Гарэтам Бэйлам, яшчэ адной зоркай сусветнага футбола.
«Мне вельмі пашанцавала з матчам, бо я ўбачыў адразу і Бэйла, і Раналду, і Нані, — не хавае захаплення дзіця. — А заўзеў я за партугальцаў, таму што за гэтую каманду выступаюць Нані і Крыштыяну Раналду, былыя гульцы «Манчэстэр Юнайтэд».
А вось Дар’я Агафонава паўдзельнічала ў фінале Еўра.
Дар’я Агафонава стаіць перад абаронцам зборнай Партугаліі Жазэ Фонту (№4).
