Гурт J:mors, кіруе якім выхадзец з Пінска Уладзімір Пугач, святкуе 25-годдзе

J:mors - адзін з самых папулярных беларускіх гуртоў.

Гурт J:mors быў заснаваны напрыканцы 1999 года сябрамі і студэнтамі ЕДУ Уладзімірам Пугачам і Арцёмам Лядоўскім.

Уладзімір Пугач нарадзіўся ў 1976 годзе ў Пінску ў сям’і медыкаў. Калі яму было 3 гады, сям’я пераехала ў Мінск, аднак праз 4 гады вярнулася ў родны горад. Школу скончыў са срэбным медалём у 1993 годзе. Скончыў у 1998 годзе Еўрапейскі гуманітарны ўніверсітэт па спецыяльнасці «міжнароднае права», пасля заканчэння практыкаваў юрыдычную практыку да 2005 года.

Першыя хіты J:mors былі напісаныя па-руску, але з цягам часу ў рэпертуары групы пачало з’яўляцца ўсё больш беларускамоўных песень. Да юбілею “Наўа Ніва” узгадала топ трэкаў музыкаў па-беларуску.

24 кастрычніка 2019 года Уладзімір Пугач выступіў у роднай школе ў Пінску.

У 2020 годзе Уладзімір Пугач падтрымаў пратэст і ў 2022-м быў вымушаны пакінуць Беларусь. Цяпер артыст базуецца ў Варшаве — працягвае тут дзейнасць J:mors, а таксама з’яўляецца галоўным рэдактарам выдавецтва аўдыякніг Litaralna.

Песня «Жыві», па прызнанні самога Уладзіміра Пугача, адна з яго любімых у рэпертуары. «Калі прыдумляеш песню, заўсёды ловіш нейкі стан і спрабуеш яго перадаць. Часам яго вельмі складана ўтрымаць у сабе доўга і ў выніку песні пішуцца працяглы час. Так было, напрыклад, з «Не памірай». А вось з «Жыві», наадварот — прыдумалася на адной эмоцыі цягам пяці хвілін. Люблю яе», — дзяліўся артыст у інстаграме.

Хіт «Беларускае золата» адтуль, стаўшы адным з самых пазнавальных для гурта, у свой час быў запісаны разам з прэзідэнцкім аркестрам.

Гэты трэк, натхнёны падзеямі лета-2020, Уладзімір Пугач запісаў у дуэце з Лявонам Вольскім. Ён стаў своеасаблівым адказам на ранейшую супрацу артыстаў у стварэнні песні «Такога няма нідзе» па штуршку Вольскага.

Для чарговай калабарацыі ініцыятарам выступіў ужо Уладзімір Пугач, напісаўшы новую песню «на адным дыханні».

Яшчэ адна беларускамоўная песня, выпушчаная ў 2020 годзе ў альбоме «Здравствуй».

Праз год музыкі нават не спрабавалі ўжо ладзіць канцэрт у Беларусі, улічваючы праблемы з пляцоўкамі для «нядобранадзейных» артыстаў, якія толькі абвастрыліся. З пачаткам жа поўнамаштабнай вайны ва Украіне Уладзімір Пугач з’ехаў з Беларусі.

Згадаем яшчэ адзін са свежых сінглаў, выпушчаны ў бягучым годзе. Гэта песня-напамін, што нават самыя звычайныя дзеянні са знакам плюс — гэта ўжо ключ да магчымых перамен.

«Як бы ні было цяжка, якія б перашкоды не сустракаліся на шляху, якім бы змрочным часам не здавалася жыццё — трымайся, усміхайся, ідзі наперад разам з такімі ж, як ты. Спрабуй змяняць сябе, пакрысе мяняючы свет вакол. Гэта і ёсць наша зброя», — тлумачылі аўтары ідэю песні «Зброя».