Журналісты Лунінецкай філіі ГА «БАЖ», мясцовыя літаратары і краязнаўцы сабраліся разам, каб ўганараваць памяць свайго калегі.
Віктара Пятровіча Карповіча (Філатава, 1954-2014) не стала 1 верасня мінулага года. Хвароба, як гэта бывае, падабралася знянацку.
Лунінецкая філія ГА “БАЖ” зацвердзіла дыпломы і прэміі імя Віктара Філатава асобам, што найбольш праявілі сябе ў творчасці за мінулы год. Першыя з гэтых дыпломаў атрымалі літаратар і краязнаўца, аўтар 15 кніг Іван Аляксеевіч Панасюк і маладая журналістка партала «Медиа-Полесье» Вольга Соц.
Прэмію вырашылі зрабіць штогадовай.
Успамінамі пра В.Філатава падзяліліся журналісты, літаратары і педагогі. Вольга Грыдзюшка прачытала свой верш, напісаны год назад:
* * *
Адчуваю і боль, і віну:
Не змагла папрасіць прабачэння…
Суцяшае, што ноч не засну –
Буду думаць табе прысвячэнне.
Пры свячэнні тваёй душы
Ўжо з таго, паралельнага свету.
Гаварыў: “Не лянуйся, пішы,
Упрыгожвай часцей газету!”*
Жартаваў, нават крышачку кпіў…
Быў падтрымкай твой светлы гумар.
З дзеясловам кароткім «быў»
Прымірыцца пакуль не магу я…
Нагадаў ты нам доўга жыць,
Каб усё парабіць паспелі
Пры свячэнні тваёй душы
З неба зорнага, Касіяпеі?
(*Ён сапраўды так гаварыў…)
Усе выступоўцы адзначалі дабрыню і інтэлігентнасць Віктара Філатава, ягоны творчы талент, які ўвасобіўся ў амаль дзясятку зборнікаў паэзіі, эсэ і афарызмаў, многіх сотнях газетных публікацый. Удзельнікі мерапрыемства ўсклалі кветкі да магілы Віктара Філатава на гарадскіх могілках.
Абоненты в Беларуси и России смогут с 1 января 2025 года звонить друг другу по…
Высажено около сотни молоденьких берёз, грабов, клёнов, лип и дубов.
В Гомеле в рамках «Марафона единства» перед горожанами выступали в том числе пропагандисты. Сотрудник пула…
Мессенджер позволит пользователям выбирать качество видео при просмотре.
Простая теория поможет разговорить кого угодно и улучшить отношения с окружающими.
В Брестской области 31-летнего мужчину с бензопилой задержали выстрелом в ногу сотрудники милиции, сообщает пресс-служба…