«Дзявочыя разбрыкі» пройдуць у Іванава

У бліжэйшыя выхадныя, 20 чэрвеня, ў гарадскім парку Іванава пройдзе XII рэгіянальны фестываль фальклору «Фальклор без межаў».

Пачнецца святкаванне з святочнага шэсця фальклорных калектываў а 14.30.

Урачыстае адкрыццё фестывалю адбудзецца в 15.00 і працягнецца канцэртам-віншаваннем.

Для жыхароў горада і гасцей свята запланавана цікавая праграма: дэфіле адзення з бабулінага куфэрка «Вяртанне да спадчыны», агляд-конкурс пабытовых танцаў «Скакорыкі ў Янове», гульнёвая праграма «Дзявочыя разбрыкі», флэшмоб «Прышло свята ў нашу хату».

Скончыцца першы дзень фестывалю этнадыскатэкай «Дазвольце патанчыць».

У панядзелак, 21 червеня, гасцей і ўдзельнікаў Фестывалю чакаюць на пляцоўцы каля сельскага Дома культуры ў аг. Тышкавічы.

Другі дзень пачнецца а 13 гадзіны з тэатралізаванага прадстаўлення «Траецкія дзівосы на прызьбе ў Цынцохі».Потым будуць выступы фальклорных калектываў-удзельнікаў фестывалю.

А 16.00 гадзіне пачнецца узнагароджванне ўдзельнікаў.

На працягу свята будуць працаваць выставы дэкаратыўна-прыкладнога мастацтва, гандлёвыя рады, фотазоны ды інш.