Ціханоўская мяркуе, што «сярод яго «эліты» пачнецца самая сапраўдная барацьба»: «Калі яго не стане, увесь уплыў гэтай «эліты» будзе вельмі крохкім — а амбіцыі вялізнымі».

І менавіта ў гэты момант павінны адбыцца перамовы і прызначаныя новыя выбары — каб вырашыць палітычны крызіс і нарастаючы раскол у краіне, падкрэсліла Ціханоўская.

Палітык адзначыла, што ў дэмакратычных сіл ужо распрацаваная стратэгія пераходнага перыяду, публічная версія якой пасля абмеркавання будзе апублікаваная.