Аднадзённыя пілігрымкі з Пінска ў Лагішын ладзяцца ўжо 25 год, у іх бяруць удзел вернікі з розных куткоў Беларусі. Яны ідуць пакланіцца цудадзейнаму абразу Маці Божай, Каралевы Палесся. Гэты абраз быў каранаваны 20 гадоў таму з благаслаўлення святога Яна Паўла ІІ, а касцёл святых Пятра і Паўла у якім захоўваецца ікона быў узведзены у ранг санктуарыя.
Пілігрымы а 8.00 раніцы ад Катэдральнага касцёлу рушаць у паход, пад час якога будуць маліцца і спяваць рэлігійныя песьні. Працягласць шляху да Лагішына каля 30 кіламетраў, у тамтэйшым касцёле ў 18.00 адбудзецца святая імша.
