Андрэй Бастунец ва ўступным слове падкрэсліў, што Канстытуцыя Беларусі, артыкул 34, гарантуе грамадзянам права на атрыманне, захаванне і распаўсюд інфармацыі. Нягледзячы на гэта, інфармацыю у прамым сэнсе прыходзіцца здабываць – журналіст трапляе ў зону рызыкі.

Падчас гаворкі прыводзіліся прыклады з журналісцкай дзейнасці, у тым ліку з вопыту мясцовых майстроў слова, на доказ таго, што журналісцкая прафесія становіцца ўсё больш небяспечнай. Андрэй Бастунец прааналізаваў іх з юрыдычнага пункту гледжання, даў практычныя рэкамендацыі, як паводзіць сябе ў той ці іншай сітуацыі.

Па просьбе лунінецкіх бажаўцаў Андрэй Бастунец выканаў некалькі сваіх песень пад гітару.