Каталіцкіх скаўтаў, якія і даставілі агонь з Вифлеему, сустракалі пінскія вернікі і святары касцёлу.

Пасля святой імшы кожны жадаючы мог запаліць ад Віфлеемскага агню знічы, каб занесці яго ў свае дамы.

Віфлеемскі агонь аб’ядноўвае прадстаўнікоў розных веравызнанняў: ён трапіць як у каталіцкія, так і ў праваслаўныя святыні Беларусі.

ДАВЕДКА “МП”

Цудоўную перадкалядную традыцыю – распаўсюджванне Бэтлеемскага агню – распачалі ў 1986 годзе ў аўстрыйскім горадзе Лінц. Першапачаткова яна планавалася як акцыя ў перыяд калядных святаў з мэтай падтрымкі дзяцей-інвалідаў і ўсіх, хто патрабуе дапамогі і ўвагі. Гэтую высакародную справу адразу ўзялі ў свае рукі еўрапейскія скаўты.

Кожны год аўстрыйскія скаўты бяруць агонь у месцы нараджэння Езуса Хрыста ад нязгаснай лампады ў базыліцы Нараджэння Пана ў Бэтлееме і дастаўляюць яго самалётам у Аўстрыю. Пасля ўрачыстасцяў у катэдральным касцёле ў Вене агонь перадаецца ў іншыя краіны.