Як паведаміла Медиа-Полесью дырэктар Столінскага раённага метадычнага цэнтра Алена Дубойская, выступленні творчых калектываў са Століншчыны не пакінулі раўнадушнымі журы конкурсу. У выніку ўзорнае аб’яднанне аматараў фальклору «Згадка» Мачульскага сельскага дома фальклору (кіраўнік Ірына Ляшкевіч) узнагароджана дыпломам І ступені ў намінацыі «Вусная народная твочасць» і дыпломам ІІ ступені ў намінацыі «Песня».
Узорны ансамбль фальклорнага танца «Ніва» Рамельскага ЦСКіВЧ (кіраўнік Васіль Ільінскі) узнагароджаны дыпломам ІІ ступені ў намінацыі «Танец».
Удзельніц паказу аўтэнтычных і адноўленых касцюмаў «Модны стыль – народны тэкстыль» Столінскага раёна адзначылі ганаровай граматай за захаванне і папулярызацыю народных строяў і ўдзел у свяце-конкурсе фальклорнага мастацтва «Таночак».
