Як паведаміла Медиа-Полесью дырэктар Століннскага раённага краязнаўчага музея Святлана Вярэніч, першая выстава з цыклу персанальных выстаў, якую ўбачаць наведвальнікі музея, – гэта выстава эксклюзіўных лялек Валянціны Лёгкай.

Валянціна Лёгкая – педагог дадатковай адукацыі Столінскага раённага цэнтра дзіцячай творчасці. У 1998 годзе стварыла студыю народных промыслаў “Вышыванка”, якой у 2009 годзе было прысвоена ганаровае званне “Узорная”. Рукамі дзяўчат студыі вышыты сцэнічныя касцюмы для ансамбля танца “Палескія плясуны” і мужчынскай групы аркестра народных інструментаў сярэдняй школы №2 г.Століна.

“Валянціна Мікалаеўна Лёгкая апранае сваіх лялек у старажытныя касцюмы столінскага краю, тым самым захоўвае і перадае ўнікальную спадчыну нашых продкаў”, – дадала Святлана Вярэніч.

Адкрыццё выставы “Сакральныя лялькі Валянціны Лёгкай” адбудзецца ў першыя дні каляндарнай вясны – 3 сакавіка ў 14.00 у памяшканні музея.

Выстава лялек будзе працаваць штодзённа ў час работы экспазіцыі музея на працягу амаль трох тыдняў.

Канкрэтны час працы выставы і дні наведвання можна знайсці ў рубрыцы Афиша на Медиа-Полесье. Тэлефоны для дадатковай інфармацыі: 6-23-96, 2-43-67.