Адна з пінскіх рэкламных кампаній працягвае сваю акцыю па усталёўцы ў горадзе аўтобусных прыпынкаў новага дызайну.
Як паведамляла Медиа-Полесье, месяц таму абноўлены прыпынак з’явіўся на вуліцы Цэнтральнай, каля дзіцячай бальніцы. На днях новая канструкцыя ўпрыгожыла плошчу Кірава. Гэтым разам фірма здзівіла пінчукоў неардынарным падыходам. На рэкламных стэндах навеса з’явіліся выявы Уладзіміра Мулявіна, Максіма Багдановіча і Івана Шамякіна, а таксама будынка пінскай канцэрнай залы. На партрэтах дзеячаў культуры ёсць біяграфічныя даведкі.
