Людзі ўпрыгожвалі надмагілле кветкамі і лентамі, а потым ціха маліліся. 

Зранку на могілках адбыліся грамадзянская і царкоўныя паніхіды. Калі на цывільнай паніхідзе вядучыя ўзгадвалі вядомых пінчан, якія нядаўна пайшлі ў лепшы свет (ветэранаў, лекараў, настаўнікаў), то праваслаўныя святары больш за гадзіну чыталі імёны па спісах, складзеных сваякамі памёрлых, а потым славілі ўваскрашэнне Хрыста і крапілі святой вадой магілы.

Варта адзначыць, што пінскія ўлады добра падрыхтаваліся да Радаўніцы:  аўтобусны парк выдзеліў дадатковыя аўтобусы, якія рухаліся да гарадскіх могілак і назад з перапынкам у 5 хвілін, а супрацоўнікі ДАІ сачылі за паркоўкай асабістага транспарту.