У гэты дзень у 1990 годзе Беларусь прыняла Дэкларацыю аб дзяржаўным суверэнітэце. 25 жніўня 1991-га яна атрымала статус канстытуцыйнага закона. Да 1996 года 27 ліпеня было дзяржаўным святам — Днём Незалежнасці. Пасля рэферэндуму, ініцыяваным Аляксандрам Лукашэнкам, Дзень Незалежнасці быў перанесены на 3 ліпеня — дзень вызвалення Мінска ад нямецка-фашысцкіх захопнікаў.
25 сакавіка беларускія патрыёты адзначаюць угодкі абвяшчэння ў 1918 годзе дзяржаўнай незалежнасці Беларускай Народнай Рэспублікі.
“Мы змагаемся за той дзень, калі ў Беларусі будзе адзначацца новы Дзень Незалежнасці, вольны ад тыраніі і расійскага імперыялізму”, — заявіла сёлета кіраўніца Аб’яднанага пераходнага кабінета Беларусі Святлана Ціханоўская.
