Па вуліцы Бялова,12 падыходзіць да заканчэння будаўніцтва адміністратыўна-гандлёвага аб’екта. Зусім нядаўна на сцяне будынка з’явілася інфармацыя аб тым, як называлася гэтая вуліца ў розныя часы: Спаская, Папярочна-школьная, Каралевы Боны, Лемяшэўская, Столінская…

Пінскія краязнаўцы адразу заўважылі памылку ў назве. Яны сцвярджаюць, што трэба пісаць не Лемяшэўская, а Лемяшэвіцкая. Бо гутарка ў дадзеным выпадку ідзе не аб прозвішчы чалавека, а назве населенага пункта Лемяшэвічы Пінскага раёна.

Інфармаваць жыхароў горада і турыстаў аб былых назвах вуліц справа добрая і карысная, але памылку трэба выправіць, гавораць краязнаўцы.