Сярод мэт фестывалю – пошук і раскрыццё талентаў у дзіцячым і маладзёжным асяроддзі, а таксама развіццё і папулярызацыя сярод падрастаючага пакалення тэатральнага мастацтва. У  фестывалі прымаюць удзел драматычныя калектывы, паэтычна-музычныя тэатры, пластычныя, экалагічныя, лялечныя і вулічныя тэатры, малыя сцэнічныя формы і іншыя тэатральныя калектывы. Узрост удзельнікаў – ад 6 да 25 гадоў.

18 нумароў прадставілі творчыя калектывы з раёна на суд абласнога журы на сцэне Столінскага ГДК. Тэатральныя ўменні паказалі дзеці і моладзь з базавых і сярэдніх школ раёна, устаноў дадатковай адукацыі, навучэнцы Столінскага каледжа.

Хто стане ўдзельнікам фінальнага этапу абласнога фестывалю, стане вядома крыху пазней. Заключныя мерапрыемствы, у тым ліку і ўзнагароджванне пераможцаў, адбудуцца 24-25 мая ў Брэсце.